ملکہ کوہسار مری کے گاؤں چتراڈونگا میں محفل سیرت النبی ﷺ

-


آج مورخہ 7 ربیع االاول1439ھ 26 نومبر 2017 ،کوہسار مری کے گاؤں چتراڈونگا میں محفل سیرت النبی ﷺ منعقد کی گئی، جس میں چتراڈونگا  ، مسوٹ اور قرب و جوار کے عوام نے شرکت کی۔ یہ محفل مرکزی مسجد چتراڈونگا کے امام محترم جناب حاجی حافظ محمد بنارس اور مرکزی جامعہ مسجد کالی مٹی کے خطیب جناب الحاج عبدالطیف صاحب کے زیر نگرانی منعقد ھوئی۔انتظامیہ میں محترم جناب محمد فیاض عباسی، رضوان عباسی اور مقامی یوتھ ویلفئیرسوسائٹی کے نوجوان شامل ہیں۔ سٹیج سیکرٹری کے فرائض گورنمنٹ ھائی سکول دریاگلی کے  استاد محترم ابوعامر اکمل محمود چشتی صاحب نے کی جو ایک اسلامی اسکالر ہیں اور موثر انداز میں تقریر و کلام پیش کرتے ہیں۔ ان کے علاوہ مسوٹ،باڑیاں، دریاگلی کے مقررین اور نعت خوانوں نے شرکت کی۔ اس موقعہ پر بچوں کی خوشی قابل دید تھی۔ مقررین نے دلنشین انداز میں رسول اللہ ﷺ کی محبت کا  اظہار کیا اور سیرت النبیﷺ پر نہائت موثر انداز میں روشنی ڈالی۔ اور بچوں اور نوجوان نعت خوانوں نے دلنشیں انداز میں نعتیہ کلام پیش کیا، جو رسول اللہ ﷺ کی محبت میں سرشار شاعروں کا تھا۔

 آخر میں ادارہ منھاج القرآن کےمحترم جناب پروفیسر علامہ شبیر عباسی صاحب نے نہایت موثر انداز میں قرآن و سنت کی روشنی میں اسلامی تعلیمات اور سیرت النبیﷺ پر روشنی ڈالی۔ ان کا خطاب قران و احادیث کی روشنی میں اسلامی ریاست کے قیام، والدین کے  حقوق اور ہمسائے اور رشتہ داروں کے ساتھ حسن سلوک پر مبنی تھا۔ جس سے سامعین بہت متاثر ھوے۔

کالی مٹی اور چتراڈونگا میں جب کوئی بھی ایسا اسلامی جلسہ ھوتا ھے اس میں صرف قرآن و سنت کی روشنی میں درس دیا جاتا ھے رسول اللہ ﷺ کی سیرت بیان کی جاتی ھے. یہ  محترم الحاج عبدالطیف صاحب خطیب جامعہ مسجد کالی مٹی کی تربیت کی وجہ سے ھے۔ انہوں نے اپنے خطابات میں کبھی دوسرے مکاتب فکر کے مسلمانوں پر تنقید نہیں کی۔ ھم سب انہیں ایک فرقہ پرستی سے پاک مومن سمجھتے ہیں۔ اس لئےانہوں نے اپنی مساجد میں تقاریب کے لئے اصول و ضوابط بنائے ہیں جن کی روشنی میں خطابات قرآن و سنت کی روشنی میں  درس اور رسول اللہ ﷺ کی سیرت پر مبنی ھوتے ہیں۔








Comments

  1. mabbasipk26 November 2017 at 19:46

    الھم صلی علی سیدنا محمد و آلہ و اصحابہ و سلم

    ReplyDelete

Post a Comment

Popular posts from this blog

خطہ کوہسار

-
Image
پاکستان کا خوبصورت ترین خطہ گلیات سعدیہ امین اور فیصل ظفر کیا آپ بتا سکتے ہیں کہ آپ پاکستان کو کتنا جانتے اور کتنا سمجھتے ہیں؟ گرد و پیش دہشتگردی، انتہاپسندی، فرقہ واریت، کرپشن، لوڈشیڈنگ اور مہنگائی۔ یعنی اچھے حوالے کم ہی ہوں گے اور جب آپ اتنے خراب حوالوں کے باوجود پاکستان سے اتنی محبت کر سکتے ہیں تو اچھے حوالے محبت کو کہاں سے کہاں پہنچا دیں گے، جس کی کوئی حد نہیں۔ کیونکہ یہاں دنیا کی سب سے خوبصورت وادیٔ کاغان بھی ہے، نامعلوم گہرائی والی پریوں کی جھیل سیف الملوک بھی، سربہ فلک برف پوش چوٹیاں بھی، پرہیبت صحرا بھی یہاں موجود ہیں اور سرسبز وادیاں بھی، یہ سب کچھ دیکھا ہے آپ نے؟ اگر نہیں تو ہم نے کوشش کی ہے کہ اس حوالے سے ایک سیریز میں پاکستان کا وہ خوبصورت چہرہ سامنے لائیں جو میڈیا میں منفی رپورٹنگ کے باعث کہیں گم ہو کر رہ گیا ہے، جس کا آغاز ہم نے سربہ فلک برف پوش چوٹیوں سے کیا اور اس کے بعد جنت نظیر جھیلوں کا جائزہ پیش کیا جبکہ اب تیسری کڑی کے طور پر ملک کا وہ پہاڑی مقام دکھانے کی کوشش کر رہے ہیں جس کی مثال دنیا میں ملنا بہت مشکل ہے یعنی گلیات کا خطہ جو خیبرپختونخوا اور پنجاب م...
Read more

شاہراہ قراقرم (دنیا کا آٹھواں عجوبہ)

-
Image
(Asghar Karim Khan, Karachi) سات عجائباتِ عالم کی فہرست میں اگر آٹھویں عجوبے کو شامل کیا جاسکتا ہے تو وہ شاہراہِ قراقرم کے علاوہ اور کوئی چیز نہیں ہوسکتی۔ حویلیاں سے شروع ہوکر درہ خنجراب تک 806 کلومیٹر طویل یہ عظیم شاہراہ، انجینئرنگ کا شاہکار اور پاکستان کی تجارتی معاشی اور دفاعی شہہ رگ ہے۔ یہ راستہ کوئی نیا نہیں ہے صدیوں سے کاروان اس راستے سے چائے، پورسلین اور سلک خچروں پر لادکر چین سے گلگت لاتے تھے جہاں سے بارٹر سسٹم کے تحت سونا جواہرات اور مصالحہ جات لے جاتے تھے۔ اس سفر کے دوران پہاڑوں سے گر کر، لینڈ سلائیڈ کی وجہ سے اکثر ڈاکوﺅں کے ہاتھوں جان و مال گنوا بیٹھتے تھے۔ اس قدیم اور پرخطر راستے کو ایک شاہراہ میں تبدیل کرنا کوئی معمولی یا آسان کام نہیں تھا۔ اس کام کی دشواری کا اندازہ اس بات سے لگایا جاسکتا ہے کہ ابتدائی طور پر ایک یورپی فرم کو یہ کام دیا گیا اس فرم کے انجینئروں نے علاقے کا فضائی جائزہ لینے کے بعد ان سنگلاخ پہاڑوں اور چٹانوں کے درمیان کسی سڑک کی تعمیر کو ناممکن قرار دے دیا۔ اس کے بعد پاکستان نے یہ کام پڑوسی ملک چین کی کی مدد سے خود انجام دینے کا عزم کیا۔ دونوں...
Read more