Skip to main content

کھیوڑہ نمک کی کان لوگوں کی توجہ کا مرکز

-

کھیوڑہ سالٹ مائن

پاکستان میں موجود کھیوڑہ نمک کی کان لوگوں کی توجہ کا مرکز

  0 تبصرے

پاکستان میں موجود کھیوڑہ نمک کی کان لوگوں کی توجہ کا مرکز

 کھیوڑہ نمک کی کان پاکستان کے مشہور شہر جہلم میں واقع ہے۔ جو کہ دنیا بھر میں سب سے بڑی کانوں میں سے ایک ہے۔ کھیوڑہ کان میں نمک کے وسیع ذخائر موجود ہیں۔ جوکہ وسیع و عریض رقبہ پرمشتمل ہے۔ یہ کان جہلم پنجاب کے علاقہ پنڈ ڈاڈنخان سے تقریبا 6 کلومیٹر کے فاصلہ پر تقریبا 12منٹ کی مسافت پرموجود  ہے۔

کھیوڑہ نمک کی کان کی تاریخ

اس نمک کی کان کی دریافت اس وقت ہوئی جب دریائے جہلم کے کنارے پرراجہ پورس اور سکندر اعظم کے بامین جنگ لڑی گئی ۔اسی دوران جب سکندرِ اعظم کے فوجیوں نے اپنے گھوڑے چرنے کے لیے آزاد کئے تو فوجیوں کے گھوڑے چرنے کے دوران پتھروں کو چاٹنے لگے ۔ گھوڑوں کو چاٹتے دیکھ کر سکندر اعظم اور اس کے ساتھیوں  نے تحقیق کرنا شروع کی اور اسی تحقیق کے دوران ہی یہاں کھیوڑہ کے مقام پر نمک کا انکشاف ہوا۔ اور اُس وقت کھیوڑہ کے مقام پر کان سے نمک نکالنے کا کام شروع کر دیا گیا ۔ جو کہ تاحال جاری ہے۔ اور بہت سارا نمک نکالا جاچکا ہے۔ یہ کھیوڑہ نمک کی کان دنیاکا ایک اہم ترین نمک کاقدرتی ذخیرہ ہے۔ اس کان میں دو کروڑ بیس لاکھ ٹن کے ذخائر موجود ہیں۔ کھیوڑہ کو ایک ارضیاتی عجائب گھر بھی قرار دیا جاتا ہے۔

کان کی لمبائی چوڑائی کا رقبہ

کوہستان کھیوڑہ نمک کی کان کا سلسلہ دریائے جہلم کے قریب علاقہ بیگنوالہ سے شروع ہو کر دریائے سندھ کے کالاباغ میں ختم ہوتا ہے۔ جس کی لمبائی300 کلومیٹر ہے اور چوڑائی 8 سے لیکر 30 کلومیٹر تک ہے۔ اس کان کی اونچائی 2200 سیکئیر فٹ سے لیکر 4990 فٹ تک پھیلی ہوئی ہے۔

کھیوڑہ کان میں نمک کھودنے کا کام

1849ء میں انگریز انتظامیہ نے نمک کی نکاسی کا کام سائنس کے اصولوں کو مدنظر رکھتے ہوئے شروع کیا۔ او ر1872ء  میں ایک معرر ف انگریز مائننگ انجنئیر ڈاکٹر وارتھ نے نمک کے ان وسیع ذخائر تک براہ راست رسائی کے لیے بڑی کان کی کھدائی کرائی جو تاحال فعال ہے ۔ ان سائنسی اصولوں کے مطابق اُس وقت کھیوڑہ نمک کی کان سے 17 منزلوں سے نمک نکالا جارہا تھا۔ اور کان میں سے 50 فیصد نمک نکال کر 50فیصد بطور ستون چھوڑ دیا جاتا تھا تاکہ کان کی مضبوطی کو قائم رکھا جاسکے ۔

لوگوں کے لیے سیروتفریح کا مرکز

پاکستان کے صوبہ پنجاب کے شہر جہلم میں موجود کھیوڑہ نمک کی کان سیر و تفریح کے لحاظ سے دنیا بھر میں مشہورترین کان  ہے۔ جہاں ملک و بیرون ملک سے بہت زیادہ لوگ نمک کے ان ذخائر کو دیکھنے کے لیے آتے ہیں۔ اس کھیوڑہ کے مقا م پر ہوٹل کے علاوہ بچوں کے کھیلنے کے لیے جھولے وغیرہ بھی موجود ہیں۔ اور کھیوڑہ کان کے اندر کیفے ٹیریا بھی موجود ہے۔ جبکہ کان کے اندر ہسپتال بھی موجود ہے۔

Comments

Post a Comment

Popular posts from this blog

خطہ کوہسار

-
Image
پاکستان کا خوبصورت ترین خطہ گلیات سعدیہ امین اور فیصل ظفر کیا آپ بتا سکتے ہیں کہ آپ پاکستان کو کتنا جانتے اور کتنا سمجھتے ہیں؟ گرد و پیش دہشتگردی، انتہاپسندی، فرقہ واریت، کرپشن، لوڈشیڈنگ اور مہنگائی۔ یعنی اچھے حوالے کم ہی ہوں گے اور جب آپ اتنے خراب حوالوں کے باوجود پاکستان سے اتنی محبت کر سکتے ہیں تو اچھے حوالے محبت کو کہاں سے کہاں پہنچا دیں گے، جس کی کوئی حد نہیں۔ کیونکہ یہاں دنیا کی سب سے خوبصورت وادیٔ کاغان بھی ہے، نامعلوم گہرائی والی پریوں کی جھیل سیف الملوک بھی، سربہ فلک برف پوش چوٹیاں بھی، پرہیبت صحرا بھی یہاں موجود ہیں اور سرسبز وادیاں بھی، یہ سب کچھ دیکھا ہے آپ نے؟ اگر نہیں تو ہم نے کوشش کی ہے کہ اس حوالے سے ایک سیریز میں پاکستان کا وہ خوبصورت چہرہ سامنے لائیں جو میڈیا میں منفی رپورٹنگ کے باعث کہیں گم ہو کر رہ گیا ہے، جس کا آغاز ہم نے سربہ فلک برف پوش چوٹیوں سے کیا اور اس کے بعد جنت نظیر جھیلوں کا جائزہ پیش کیا جبکہ اب تیسری کڑی کے طور پر ملک کا وہ پہاڑی مقام دکھانے کی کوشش کر رہے ہیں جس کی مثال دنیا میں ملنا بہت مشکل ہے یعنی گلیات کا خطہ جو خیبرپختونخوا اور پنجاب م...
Read more

شاہراہ قراقرم (دنیا کا آٹھواں عجوبہ)

-
Image
(Asghar Karim Khan, Karachi) سات عجائباتِ عالم کی فہرست میں اگر آٹھویں عجوبے کو شامل کیا جاسکتا ہے تو وہ شاہراہِ قراقرم کے علاوہ اور کوئی چیز نہیں ہوسکتی۔ حویلیاں سے شروع ہوکر درہ خنجراب تک 806 کلومیٹر طویل یہ عظیم شاہراہ، انجینئرنگ کا شاہکار اور پاکستان کی تجارتی معاشی اور دفاعی شہہ رگ ہے۔ یہ راستہ کوئی نیا نہیں ہے صدیوں سے کاروان اس راستے سے چائے، پورسلین اور سلک خچروں پر لادکر چین سے گلگت لاتے تھے جہاں سے بارٹر سسٹم کے تحت سونا جواہرات اور مصالحہ جات لے جاتے تھے۔ اس سفر کے دوران پہاڑوں سے گر کر، لینڈ سلائیڈ کی وجہ سے اکثر ڈاکوﺅں کے ہاتھوں جان و مال گنوا بیٹھتے تھے۔ اس قدیم اور پرخطر راستے کو ایک شاہراہ میں تبدیل کرنا کوئی معمولی یا آسان کام نہیں تھا۔ اس کام کی دشواری کا اندازہ اس بات سے لگایا جاسکتا ہے کہ ابتدائی طور پر ایک یورپی فرم کو یہ کام دیا گیا اس فرم کے انجینئروں نے علاقے کا فضائی جائزہ لینے کے بعد ان سنگلاخ پہاڑوں اور چٹانوں کے درمیان کسی سڑک کی تعمیر کو ناممکن قرار دے دیا۔ اس کے بعد پاکستان نے یہ کام پڑوسی ملک چین کی کی مدد سے خود انجام دینے کا عزم کیا۔ دونوں...
Read more